သွားကိုက် ဝေဒနာဖြစ်လာရတဲ့ အကြောင်းရင်းကတော့ လူတိုင်း နေ့စဉ် စားသုံးနေတဲ့ သကြားနှင့် ကစီဓါတ်ပါတဲ့ အစားအစာတွေ ကနေ တဆင့် သွားတွေမှာ ဘက်တီးရီးယားတွေ ကပ်တွယ်ပြီး တဖြည်းဖြည်းနှင့် ပြန်ပေါက်ဖွားလာတာကြောင့် ဖြစ်ပါတယ်။ ဒီလို ပေါက်ဖွားလာတဲ့ ဘက်တီးရီးယားဟာ သွားကို ပိုးပေါက်တွေဖြစ်လာအောင်ပြုလုပ်တတ်ကြပြီး ဒီကနေတစ်ဆင့် သွားအခေါင်းပေါက်ဖြစ်ခြင်း ၊ သွားပိုးစားခြင်း စတဲ့ နောက်ဆက်တွဲပြဿနာတွေကို ဖြစ်ပေါ်လာစေပါတယ်။
သွားကိုက်တယ်ဆိုတာကလဲ လူကြီး၊ လူငယ်မရွေး ဖြစ်နိုင်တာမို့လို့ အရွယ်မရွေး အကုန်လုံးအနေနဲ့ အနည်းနဲ့အများ ခံစားဖူးကြမှာပါ။ ဒီလိုဆိုရင် သွားကိုက် ဝေဒနာမဖြစ်အောင် အတတ်နိုင်ဆုံး ဘယ်လို ကာကွယ်ကြမလဲ ?
လူအများဆုံးကြုံနေရတဲ့ သွားကိုက် ရခြင်းလက္ခဏာတွေကတော့ ❗️
⚫️သွား ၊ သွားဖုံး နှင့် ပါး အနီးတ၀ိုက် ရောင်နေခြင်း
⚫️အစာစားချိန်တွင် သွားပိုကိုက်ခြင်း
⚫️တဆစ်ဆစ် ကိုက်နေပြီး ခေါင်းကိုက် ၊ ဖျားနာလာခြင်း
⚫️သွားဖုံးက ပျော့အိအိဖြစ်နေပြီး ရောင်နေခြင်း
⚫️ကိုက်နေတဲ့ သွားမှအရည်အပုပ်များ ထွက်လာပြီး ကိုက်နေခြင်း စတဲ့ လက္ခဏာများ ခံစားရနိုင်ပါတယ်။
ဒါဆိုရင် ဘယ်လိုအကြောင်းအရာတွေက သွားပိုကိုက်စေတာလဲ ?
⚫️သွားထပ်နေတဲ့အခါ သွားကြားထဲမှာ စားကြွင်းစားကျန်များ ညှပ်နေခြင်း
⚫️သွားကို ထိခိုက်မိခြင်း
⚫️အံဆုံးပေါက်ခြင်း ၊ သွားအသစ်ပေါက်လာခြင်း
⚫️သွားဖုံးထဲကို သွားကျွံ၀င်နေခြင်း
⚫️သွားကျိုး ၊ သွားပဲ့ ခြင်း
⚫️သွားပိုး ဝင်ခြင်း နှင့် သွားပြည်တည်ခြင်း စတဲ့ အကြောင်းအရာတွေကြောင့်လဲ သွားပိုကိုက်စေနိုင်ပါတယ်။
သွားကိုက် ဝေဒနာကို အတတ်နိုင်ဆုံး ဘယ်လိုကာကွယ်နိုင်လဲ❗️
⚫️အစာစားပြီးတိုင်း ပလုတ်ကျင်းပေးခြင်း
⚫️သွားပွတ်ကြိုး သုံးပေးခြင်း
⚫️ချိုသော အစားစာများကို အတန်နိုင်ဆုံးရှောင်ကျဉ်ခြင်း
⚫️တနေ့နှစ်ကြိမ် သွားတိုက်ပေးခြင်း
⚫️သွားသန့်ဆေးရည် သုံးပေးခြင်း တို့ လုပ်ခြင်းဖြင့် အတန်နိုင်ဆုံးကာကွယ်နိုင်ပါတယ်။
အပေါ်မှာပြောထားတာတွေ လုပ်ပေမယ့် မသက်သာသေးဘူးဆိုရင်တော့ လူကြီးမင်းတို့အနေနဲ့ အတတ်နိုင်ဆုံး သွားဆေးခန်းမှာ ဆရာဝန် နှင့် သွားရောက်ပြသ သင့်ပါတယ်။
🦷️ဆရာဝန်အနေနဲ့ လူနာရဲ့ ကိုက်နေတဲ့ သွားတွေကို အရင်ဆုံး စမ်းသပ်ပေးမှာဖြစ်သလို မျက်လုံးနဲ့ မမြင်နိုင်တဲ့ သွားရဲ့ အတွင်းပိုင်းတွေကို CBCT ရိုက်ပြီး လူနာရဲ့ လက်ရှိဖြစ်နေတဲ့ ဝေဒနာကို ဘယ်လိုနည်းနဲ့ အမှန်ကန်ဆုံး ကုသပေးရမလဲ ဆိုတာ အဖြေထုတ်ပြီး အမြန်ဆုံးကုသပေးမှာဖြစ်ပါတယ်။
🦷️သွားကိုက်တယ်ဆိုတာကလဲ သွားပိုးတွေကြောင့် အကြောကိုထိသွားပြီး သွားအကြောထုတ်ကုသဖို့လိုတာ၊ သွားပိုးပေါက်လေးကိုပဲ ဖာထေးတာ၊ သွားနှုတ်စရာလိုတာ၊ အံဆုံးထွက်လာတာမို့လို့ အံသွားကို လာထိနေပြီး ကိုက်နေတာတို့ ဖြစ်တတ်ပါတယ်။
ဒါကြောင့် လူကြီးမင်းတို့အနေနဲ့ သွားကိုက်နေခဲ့မယ်ဆိုရင် ဆရာဝန်နဲ့ အရင်ဆုံး ပြသပြီး ကုသမှုခံယူလိုက်တာက အကောင်းဆုံးဖြစ်သလို
မဖြစ်ခင်မှာလဲ ၆လ တစ်ကြိမ် Dental Check-up လုပ်ပြီး ကြိုတင်ကာကွယ်ထားတာမျိုးလုပ်သင့်ပါတယ်။
သွားနှင့် ခံတွင်း ဝေဒနာများအတွက် ကုသဆွေးနွေးလိုပါက Jasmine Dental Center ရဲ့ 📞 ဖုန်းနံပါတ် -
09 970 000966
09 978 777777 တို့ကို ဆက်သွယ်လို့ ရသလို
📍 လိပ်စာ -
1. အင်းစိန်လမ်းမကြီး၊ သံလမ်းမှတ်တိုင်အနီး၊ လှိုင်မြို့နယ်၊ ရန်ကုန်မြို့ (Hoya Hotel) နှင့်
2. အမှတ် (37), ဟံသာဝတီလမ်းနှင့် ကျွန်းတောလမ်းကြား ၊ ကမာရွတ်မြို့နယ် ၊ ရန်ကုန်မြို့ (Time City) တို့မှာ လာရောက် ကုသဆွေးနွေးလို့ရပါတယ် ရှင့်။ #JasmineDentalCenter #bestdentalclinicinyangon #toothache #toothachetreatment #teethpain #dentalclinicnearme #သွားဆေးခန်း #သွားကိုက်ပျောက်နည်း #သွားပိုးစား
Comments